Sisimiut aasaanerani sialoqarluarsimagaangami qorsooqqitsilertortaqaaq, soorlumi uku assit Asummiut Saqqaatalu nunataani naasut takutikkaat. Illoqarfiup avataatungaa aasami - aammami ukiumi - asiarfissarpassuaqarami ornigarneqarluartaqaaq. Kaammattuutigineqaannarsinnaavorlu eqqagassanik maangaannaq eqqaasoqartassanngitsoq. Augustiugaa assilisat.