Biilinut unittarfik naammassineqanngitsoq. Kiisa ukiorpaaluit ingerlareerput Brugseneeraq Niviarsiaq-miittoq pisiniarfinngormalli. Ajoraluartumilli biilinut unittarfiliorneqarnera kusananngitsumik suliaavoq. Unittarfimmut pulariaa maniilakuluttuuvoq periarfiluttuullunilu, unittarfittaalu asfalterneqarani.

Ajuusaarnaqaaq illoqarfimmi sanaartorumallutik pisortanut qinnuteqartartut sanaartukkap avataata pitsaasumik naammassineqarnissaanut pisortaniit piumaffigineqarneq ajormata. Sanaartortut sukangasuumik piumaffigisariaqarput avatangiiseq tikikkuminartumik kusanartumillu naammassineqartassasoq.